Pavel Deev

Pavel nació en 1985 en Rusia, onde vivió hasta 2022, pasando la última década en San Petersburgu. El so amor pola música empezó a los trés años, y yá con cinco o seis empezó a deprender de manera autodidacta a tocar la guitarra acústica, interpretando cantares del llexendariu grupu rusu «Kino». Col tiempu deprendió tamién a tocar la batería y daqué de pianu, anque les esixencies llaborales torgiéron-y dedicar a la música'l tiempu que quixere. En 2022, xunto cola so familia, dexó atrás un réxime autoritariu y emigró a España ensin un plan claru nin grandes recursos, cola esperanza de construyir una nueva vida en llibertá.

N'España la música volvió a ocupar un llugar central na so vida. Tres d'un añu de clases de batería con David, tuvo la oportunidá d'incorporase a la Banda de Música de Llangréu, onde anguaño toca la percusión. Anque compaxinar el trabayu colos ensayos sigue siendo un retu, el so nivel avanza de forma constante gracies a les clases con David y a los ensayos cola banda. Amás de la so faceta musical, collabora activamente cola agrupación nel ámbitu teunolóxicu, siendo'l responsable del desarrollu d'esta páxina web. Espera que col tiempu la banda pueda llegar a un públicu cada vez mayor y contribuyir a dar a conocer Llangréu a muncha más xente. El so gran suañu ye grabar un álbum musical propiu y una versión de «Spokóinaya noch» (Nueche tranquila) del grupu «Kino», que devuelva esta emblemática canción a les mases una vez más.