David López Díaz

David López Díaz ye el director de la Banda de Música de Llangréu dende hai unos años, cargu al que llegó tres una llarga trayeutoria dientro de la propia agrupación. Empecipió na música en 1984 na Banda de Música de Laviana, incorporándose poco dempués a la Banda de Música de Llangréu, onde desempeñó los papeles de trompeta solista, trompa 1, subdirector y profesor de Llinguaxe Musical ya instrumentos de vientu metal.

Paralelamente al so trabayu na banda, foi durante años trompeta principal de la Big Band del Conservatoriu Profesional de Música de Xixón y de la Big Band Asturies. Participó como músicu d'estudiu na grabación de numberosos discos con artistes variaos, y formó parte del grupu de Latin-Jazz «Latin-va», col que actuó en festivales como el Festival Internacional de Jazz d'Uviéu y el Festival de Jazz de Xixón.

Nel ámbitu docente, exerció durante ocho años como profesor na Escuela Municipal de Música de Llanera, impartiendo Llinguaxe Musical, Conxuntu Instrumental, Taller de Jazz y Trompeta. Anguaño compaxina la direición de la banda cola direición y les clases na so propia academia de música «Adagio» nel Entregu.