Esti branu, la Banda de Música de Llangréu tuvo una participación intensa en toles fiestos del conceyu y mesmo fuera d'elli, como ye la participación nel X Festival Nacional de Bandes de Música en Pola de Laviana.
Esti branu, la Banda de Música de Llangréu tuvo una participación intensa en toles fiestos del conceyu y mesmo fuera d'elli, como ye la participación nel X Festival Nacional de Bandes de Música en La Pola Llaviana.
En Ciañu tuvimos el gustu d'ofrecer un conciertu, a principios de Xunu.
Siguimos nes fiestos de La Nueva con una procesión y un conciertu.
En San Pedro, en La Felguera, ofrecimos un conciertu el domingu 26 nel parque Dolores Fernández Duro y el 29 tuviemos acompañando la procesión poles calles de La Felguera.
En Xunetu llega Santiago en Sama. El vienres 22, como tolos años, acompañamos a los entibadores con un pasacalles, la ofrenda floral nel Parque Doráu ante'l monumento a la perpetua memoria de los caídos nel trabayu y nel icedu de bandera nel concursu d'entibadores.
El llunes 25, dempués de tocar el himnu na consagración, la Banda acompañó a Santiago poles calles de Sama en procesión. Dempués de la misa ofreció un conciertu frente a la Ilesia con gran afluencia de públicu.
Por últimu, la Banda representó al conceyu de Llangréu nel X Festival Nacional de Bandes de Música en La Pola Llaviana. Tres un pasacalles ofreció un conciertu con obres de gran complexidá, que'l públicu asistente supo agradecer con numberosos aplausos.
La próxima actuación prevista será el 8 de setiembre, los llangresanos celebramos el día grande del nuesu conceyu. Na Ermita de El Carbayu, acompañaremos en procesión a la patrona del conceyu.