Nes pasaes Navidaes la Banda de Música de Llangréu tuvo la oportunidá de participar nel Salón de Navidá que tolos años organiza l'Ayuntamientu de Llangréu. Dende la Banda parecíonos una bona forma de que los neños vayan familiarizándose colos instrumentos y la música en xeneral, tocando, cantando, bailando… en resumies, achegase a la música d'una forma divertida.
Les expectatives de la Banda ye que esto nun s'acabe col Salón de Navidá y continúe durante'l restu del añu; pa eso ofertamos clases de música nos locales de la Banda, que tienen por nome La Casa de la Música, impartíes por integrantes de la Banda, munchos d'ellos con títulu de profesor del so instrumentu y los que non con una llarga esperiencia como instrumentistes.
Dende la organización sorprendíonos la edá tan temprana que teníen munchos de los participantes nes actividaes musicales del Salón de Navidá y, llexos de convertise nun problema, propúximonos facer grupos colos neños que tengan ente 3 y 6 años pa impartir Música y Movimientu, que ye'l primer pasu pa que los neños de tan temprana edá aprendan música.
Pal restu d'alumnos compatibilizaranse les clases de Llingua Musical coles d'instrumentu.
Vamos a intentar ente todos que la Banda de Música seya una cantera de onde salgan músicos, un llugar d'alcuentru sanu ente xente nueva y non tan nueva, y non solo una agrupación pa amenizar colos sos conciertos los distintos actos del nuestru conceyu.
Pa ponete en contactu con nós, visita la nosa páxina de contactu.