El pasáu día 1 d'avientu, dientro de los actos programaos pal día de la discapacidá, la Banda de Música de Llangréu ofreció un conciertu didácticu pa les asociaciones de Discapacitaos de toa la comarca, acompañantes y políticos ente los que s'atopaben los alcaldes de Laviana, San Martín del Rey Aurelio y Llangréu.
El conciertu contó con una calurosa participación de tolos asistentes, reflexada nos aplausos y les felicitaciones posteriores a tolos integrantes de la Banda.
El día 8 d'avientu la Banda de música ofreció un conciertu na ilesia de Barros.
Los díes 18 d'avientu nel Teatru de La Felguera y el 23 na Ilesia de Sama ofreció los tradicionales conciertos de Navidá. N'esta ocasión participó cola Banda el Coru Santiaguín.